ഭൂമിയിലെ മറ്റു
ഉത്സവങ്ങളില്‍ നിന്നും വ്യത്യസ്തമായ പലതും ഓണത്തിനുണ്ട്. തിന്മയുടെ മേല്‍ നന്മ
നേടുന്ന വിജയമായാണ്‍ നാം പല ഉത്സവങ്ങളും കൊണ്ടാടുന്നത്. എന്നാല്‍ ഓണത്തിന്റെ
പുരാണത്തില്‍ വില്ലന്മാരില്ല. മാവേലിത്തമ്പുരാന്‍ കേരളത്തെ സ്വര്‍ഗതുല്യമാക്കിയ
രാജാവാണ്. പണ്ട് ചൈനക്കാരും ഈജിപ്ത്യരും ബാബിലോണീയകാരും “മരിച്ചാല്‍ സ്വര്‍ഗത്തില്‍ പോകേണ്ട ,മറിച്ച്
കേരളത്തില്‍ ജനിച്ചാല്‍ മതി എന്നു പ്രാര്‍ത്ഥിക്കുന്ന കാലമുണ്ടായിരുന്നു. അങ്ങനെയുള്ള
മാവേലിത്തമ്പുരാന്റെ മനസില്‍ അഹങ്കാരത്തിന്റെയും അഹംഭാവത്തിന്റെയും വിത്തുകള്‍
മുളയ്ക്കാ‍ന്‍ തുടങ്ങി. അങ്ങനെ ഈശ്വരാവതാരമായ വാമനന്‍ മവേലിയിലെ അഹംകാരത്തെ
പാതാളത്തിലേക്കും മാവേലിയെ സ്വര്‍ഗത്തിലേക്കും അയച്ചതിന്റെ ആഘോഷമാണ്‍ ഓണം. ഓണം
ഒരോര്മപ്പെടുത്തലാണ്. എത്ര വലിയവനായാലും അഹങ്കരിക്കാന്‍ അവകാശമില്ല എന്ന ഓര്‍മപ്പെടുത്തല്‍.
നാഴികയ്ക്ക് നാല്പതി വട്ടം പറഞ്ഞ വാക്കു
മാറ്റിപ്പറയുന്നവരുടെ നടുവിലാണ്‍ നമ്മുടെ താമസം. “ ഏയ്, ഞാന്‍ അങ്ങനെ
പറഞ്ഞിട്ടേയില്ല “ എന്ന് ചാനലുകളിലും മറ്റും നാം കേള്‍ക്കാറൂണ്ട്. കേരളത്തിന്റെ
വഴിയോരങ്ങളില്‍ ഓണാഘോഷം തകര്‍ത്തു നടക്കുമ്പോള്‍ ഓണം ഒരോര്‍മപ്പെടുത്തലാകുന്നത്. പറഞ്ഞു
പോയ വാക്കിനു വേണ്ടി നിലകൊള്ളണം അതു സ്വന്തം പ്രജകളും ബലവും കിരീടവും ചെങ്കോലും
മന്ത്രിക്കസേരയും നഷ്ടപ്പെട്ടാലും ശരി.
മഹാരാഷ്റ്ട്രയില്‍ സോലാപൂര്‍ എന്നൊരു ഗ്രാമമുണ്ട്.അവിടെ ഒരു
ക്യാന്‍സര്‍ രോഗവും റിപോര്‍റ്റ് ചെയ്തിട്ടില്ല. 2050 ആകുമ്പോഴേയ്ക്കും ലോകത്തു
മരിക്കുന്ന ഓരോ രണ്ടുപേരിലും ഒരാള്‍ ക്യാന്‍സര്‍ മൂലമാകും എന്ന് ഓര്‍ക്കുമ്പോഴാണ്‍
സോലാപൂറിന്റെ മഹത്വം മനസിലാകുന്നത്. ആ ഗ്രാമീണര്‍ സസ്യഭക്ഷണ ശീലരും സ്വന്തം
ഗ്രാമത്തില്‍ കൃഷി ചെയ്യുന്ന ഭക്ഷ്യ
വസ്തുക്കള്‍ മാത്രം ഉപയോഗിക്കുന്നവരുമാണ്.
അങ്ങനെയാണെങ്കില്‍ ഓണം കാര്‍ഷിക സംസ്കാരത്തിന്റെ ഒരോര്മപ്പെടുത്തലാണ്.
പ്രകൃതി കൂടി പങ്കെടുക്കുന്ന ലോകത്തെ
ഒരേയൊരുത്സവമാണ്‍ ഓണം. വിളവെടുപ്പ് സമയം, പൂക്കളം, പൂത്തുമ്പികള്‍ .... അങ്ങനെ ഒരു
കാര്‍ഷിക സംസ്കാരത്തിലേക്കുള്ള തിരിച്ച് പോക്കിന്റെ പൊളിച്ചെഴുത്താകണം ഓണം.
അല്ലാതെ മാവേലിയെ പറ്റിക്കാന്‍ ഐശ്വര്യത്തോടെയും സമ്പത് സമൃദ്ധിയോടെയും കഴിയുകയും
അനന്തരം ഫാസ്റ്റ് ഫുഡിന്റെയും കാപട്യത്തിന്റെയും വഴികളിലേക്ക് ചാടുകയും ചെയ്യുന്ന
രീതി ഉപേക്ഷിക്കണം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ